மழை, நான், தேனீர் மற்றும் பக்கோடா
பூமிக் காதலியின்
அருமந்த அழகை ஆசைதீர
மழைக்கரம் நீட்டி
அணைத்திடும்
ஆகாயக் காதலன்…
பூமிக் காதலியின்
கன்னக் குழிகள் தன்னில்
மழைக்காதல் ஊற்றி
நிரப்பிடும்
ஆகாயக் காதலன்…
பூமிக் காதலியின்
இதய அறையில் இடம்பெற
மழைஈரங்கள் சிந்தி
ஈர்த்திடும்
ஆகாயக் காதலன்…
பூமிக் காதலியின்
தேகம் பச்சைப்பட்டு உடுத்திட
வெள்ளி மழைச்சரிகை
தந்திடும்
ஆகாயக் காதலன்…
பூமிக் காதலியின்
உதட்டின் சிறு வெடிப்பினை
மழைமுத்தம் கொடுத்து
நனைத்திடும்
ஆகாயக் காதலன்…
இந்த
ரம்மியமான
ரகசியக் காதலை
ரசித்திடும் — நான்,
தேனீர் மற்றும் பக்கோடா சகிதமா!!